Monday, December 12, 2011

ചുവടടയാളം

ഞാന്‍ മഞ്ഞിലൂടെ നടക്കുകയാണ് 
പിന്നില്‍ എന്‍റെ ചുവടടയാളം മാത്രം
അത് മാഞ്ഞു പോവും ....വേഗം !


Sunday, April 3, 2011

എഴുത്ത്

ഒരു മഴ ചെയ്യുന്ന പോലെ
ഒരു കാറ്റ് ചെയ്യുന്ന പോലെ..
ചിലപ്പോ ഒരു കടല്‍ത്തിര..
ഒരു രാത്രി..ഒരു പകല്‍..
ഒരു നൊടി .....ചെയ്യുന്ന പോലെ 
ഒരു കവിള്‍പ്പുക , ഒരിറക്ക് വിസ്കി
ഒരു ചുമ.. ഒരു തുള്ളി ക്കണ്ണുനീര്‍

നിന്റെ ജീവിതം മാറ്റിഎഴുതി
എന്റെയും...

Monday, March 14, 2011

പിന്‍ഗാമി


തലയടര്‍ന്നു,ചോര ഉണങ്ങി
മണ്ണ് പറ്റിയ കണ്ണ്, കുത്തുന്ന നോട്ടം
വടിവാള്‍ താഴെ വീണു, കയ്യ് വിറയ്ക്കുന്നു
കാലിലൊരു ചങ്ങല, ചുറ്റും ഇരുട്ട്..

ചാരം പാറിയ അടുപ്പ്, ഈച്ച വീണ കഞ്ഞി
തണുത്ത കട്ടന്‍ ചായ, നനഞ്ഞ വിറക്
ഉമ്മറത്തോരമ്മ ! ഉറങ്ങുന്ന മകന്‍
അരഭിത്തിയിലച്ച്ചന്‍, ബോധമില്ലാതെ ഭാര്യ
കണ്ണില്‍ ഓരോ കാഴ്ച, കാലിലെ ചങ്ങല
പിന്നിലൊരു വാള്‍, ഇനിയെന്റെ.. തല
ചോര.. കഞ്ഞി..അമ്മ.. ഭാര്യ..അച്ഛന്‍..... 
വാള്‍.. തലയടര്‍ന്നു,ചോര ഉണങ്ങി 
മണ്ണ് പറ്റിയ കണ്ണ്, കുത്തുന്ന നോട്ടം..

Wednesday, February 9, 2011

പേര്


ഒരിക്കല്‍ ഒരു കുഞ്ഞു സൂചികൊണ്ടെന്റെ
ഹൃദയത്തില്‍ ഞാനവളുടെ പേരെഴുതി
ഋതുക്കളേറെ കൊഴിഞ്ഞിട്ടും
അതിപ്പോഴും വേദനിക്കുന്നു!